8-10 ноябрь көннәрендә татар теленә һәм мәдәниятенә игътибарны арттыруны максат итеп куйган, татар телен яратучыларны берләштерүгә юнәлтелгән тугызынчы тапкыр «Татарча диктант» дөньякүләм акциясе узды. Әлеге мәртәбәле акциягә 10 ноябрь көнне Айдар авыл мәдәният йорты да кушылды. Катнашучыларга Шәриф Камалның «Матур туганда» романыннан өзек тәкъдим ителде. Аны аңлаешлы һәм төгәл итеп Айдар башлангыч мәктәбендә балаларга зур стажлы белем һәм тәрбия биргән укытучы Фаттахова Райхана Вәлиәхмәт кызы укыды. Мондый чараларның массакүләм уздырылуы күңелне үстерә, туган телебезгә, мәдәниятебезгә, язучыларыбызга булган кадер-хөрмәтне арттыра.