Казанның Салих Сәйдәшев исемендәге зур концертлар залында «Ел хатын-кызы. Ел ир-аты: хатын-кыз карашы» республика бәйгесе җиңүчеләрен котладылар. Алар арасында "Ир-ат – мәрхәмәтле йөрәк" номинациясендә районыбызның ДОСААФ оешмасы җитәкчесе Рәис Нуртдиновта бар. Шулай ук "Өлкән буын героинясы" номинациясендә Теләче районының танылган савымчысы, хезмәт ветераны, Социалистик Хезмәт Герое Гөлбикә Кәримова җиңү яулады.
Җиңүчеләрне ТР Дәүләт Советы Рәисе Фәрит Мөхәммәтшин һәм башка мәртәбәле җитәкчеләр бүләкләде.