21 март көнне Азия дәүләтләрендә яшәүче мөселман кардәшләребез иң олы һәм күркәм бәйрәмнәрнең берсен, язгы бәйрәм - Нәүрүз бәйрәмен каршылый.
Мисал өчен, кичә әлеге күңелле бәйрәм Олы Нырсы һәм Караширмә авылларында үтте, бүген исә чират Баландыш белән Айдар авылларына күчте. Баландыштагы бәйрәм муниципаль район башлыгы Нәҗип Хаҗипов тәбрикләве белән башланып китсә, Айдар авылындагы халыкны, үзешчән артистларны муниципаль район башлыгы урынбасары Айрат Фатхуллин сәламләде.

Халыкара традицион мәдәният һәм халык сәнгать иҗаты фестивалендә

18 март көнне Иске Җөридә авыл мәдәният йорты каршында эшләп килүче "Хәзинә" театр берләшмәсе үзешчәннәре көче белән Хәй Вахитның "Беренче мәхәббәт" спектакле сәхнәләштерелде. Спектакльне куючы режиссер - әлеге мәдәният йорты директоры Равил Насыйбуллин. Чара зур аншлаг һәм тулы зал белән үтте. Спектакль дәвамында үзешчәннәр осталыгына соклану һәм кул чабулар тынып тормады. Ә азактан тамашачы торып басып артистларны алкышларга күмде, рәхмәт сүзләре җиткерде.